Семинар доир ба муҳоҷирати меҳнатӣ

Кӯлоб, 8 октябр. (АМИТ «Ховар», С.Холов).- Дар шаҳри Кӯлоб дар мавзӯи «Нақши мақомоти давлатӣ ва ташкилотҳои ҷамъиятӣ дар ҳалли мушкилоти муҳоҷирони меҳнатӣ ва аъзои оилаи онҳо» бо иштироки намояндагони ҳукумати шаҳри Кӯлоб, намояндаи хадамоти муҳоҷират ва намояндагони ташкилотҳои ҷамъиятӣ мизи мудаввар баргузор гардид. Дар чорабинии мазкур иштирокчиён перомуни масъалаҳои муҳими марбут ба муҳоҷирати меҳнатӣ ва кору фаъолияти муҳоҷирон дар хориҷи кишвар табодули назар намуданд. Бояд тазаккур дод, ки масъалаи зикргардида, дар баробари проблемаҳои гуногуни имрӯза аз масоили доғи рӯзи ҷомеаи ҷаҳонӣ ба ҳисоб меравад. Мизи мудаввар на танҳо барои маълумоти бештар гирифтани иштирокчиёни семинар, балки барои дар амал роҳандозӣ кардани фикру ақидаи онҳо доир гардид. Гузаронидани чунин семинар ва мизҳои мудаввар бо мусоидати ҳокимиятҳои маҳаллӣ дар дигар вилоятҳо низ ба нақша гирифта шудааст.