Шаҳодатнома ба мураббиёну варзишгарон.

Душанбе, 14 октябр. (АМИТ «Ховар», Аловиддин Бӯриев) —  Бо мақсади баланд бардоштани малакаву таҷрибаи варзишии мураббиён ва варзишгарон дар риштаи варзиши сабук аз таърихи 30-юми сентябр то 13-уми октябр дар шаҳри Душанбе бо иштироки намояндаи ҷумҳурии Қазоқистон, коршиноси байналмилалии Федератсияии умумиҷаҳонии варзиши сабук Александр Кругликов машғулиятҳои таълимӣ баргузор гардид. Дар ин чорабинӣ зиёда аз 30 варзишгар ва мураббиёни ҷавон иштирок карданд. Машғулиятҳо ҳам ба таври назариявӣ ва ҳам амалӣ ҷараён гирифта, дирӯз ба анҷом расиданд. Ба иштирокчиёни семинар аз ҷониби Федератсияи байналмилалии варзиши сабук ва Кумитаи миллии олимпӣ сертификатҳо супорида шуданд.