“Силверхилл Ресорсес ЛТД” 10 миллион доллар сармоягузорӣ менамояд
Душанбе, 13 октябр. (АМИТ «Ховар», Мавҷуда Анварӣ). — Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов бо Директори ҶДММ “Нуқрафом” Чарлз Онунг ва муовини ӯ Улуғбек Салимбекзода, ки муассис ва иштирокчии ягонаи ширкати “Силверхилл Ресорсес ЛТД”-и Швейтсария мебошад, мулоқот намуд. Тавре ба АМИТ «Ховар» аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар доданд, зимни вохӯрӣ масъалаҳои рушди фаъолияти ҷамъияти мазкур, ҳамчунин татбиқи лоиҳаи истихроҷ ва коркарди партовҳо мавриди муҳокима қарор гирифтанд.Бояд қайд намуд, ки ширкати мазкур дар самти коркарди партовҳо, ҷустуҷӯи геологӣ ва истихроҷи металлҳои қимматбаҳо фаъолият мекунад.Чарлз Онунг зикр намуд, ки ҶДММ “Нуқрафом” бо мақсади татбиқи лоиҳаи истихроҷ ва коркарди партовҳо тасмим гирифтаст, ки дар шаҳраки Истиқлоли вилояти Суғд (собиқ Табошар) дар доираи расмиёти қонунгузории ҷории Ҷумҳурии Тоҷикистон фаъолияти худро ба роҳ монда, ҷиҳати татбиқи он 10 миллион доллари ИМА сармоягузорӣ намояд. Ҳамзамон зикр шуд, ки дар ин ҷода зиёда аз 300 нафар бо ҷойҳои нави корӣ таъмин карда мешаванд. Дар натиҷа тарафҳо бо мақсади ба роҳ мондани ҳамкориҳои минбаъда ҳавасмандии муштаракро иброз намуда, Д. Саидов омодагии Кумитаро барои дастгирӣ ва ҳамкорӣ намудан бо сармоягузорон дар доираи ваколатҳои худ баён намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






