«Системаи мадридии бақайдгирии тамғаҳои байналмилалӣ»

Душанбе, 13 октябр. (АМИТ «Ховар», Покиза Маҳмадбекова). -«Системаи мадридии бақайдгирии тамғаҳои байналмилалӣ» — 12 октябри соли равон дар Вазорати рушди иқтисод ва савдои Ҷумҳурии Тоҷикистон таҳти чунин унвон семинари миллӣ дар якҷоягӣ бо Созмони умумиҷаҳонии моликияти зеҳнӣ баргузор гардид. Дар семинар намояндагони вазорату идораҳои дахлдори кишвар ва Ассотсиатсияи соҳибкорони хурду миёна ширкат намуданд.Маърӯзачиён перомуни мавзӯъҳои хусусиятҳои асосии Системаи Мадрид ва тағйироти охирини он, таҷрибаи истифодаи системаи мазкур дар Ҷумҳурии Тоҷикистон, маводи иттилоотӣ ва хизматрасонӣ дар доираи ин система, бартарият ва афзалияти Системаи мадридӣ ва ғайра сухан карда ва атрофи ин мавзӯъ мубодилаи афкор сурат гирифт.Семинари миллӣ имрӯз ба кори худ идома медиҳад.