Стратегияи ҳамкории байналмилалии ҷавонон

Октябрь 13, 2011 11:56

Душанбе, 13 октябр. (АМИТ «Ховар»,  Пайрав  Назаров). – Имрӯз, 13  октябр,  дар  Кумитаи  иҷроияи  ИДМ  воқеъ  дар  шаҳри  Минск  маҷлиси  гурӯҳи  коршиносон оид ба таҳияи  лоиҳаи  Нақшаи  чорабиниҳо  барои  солҳои  2012  — 2013  ҷиҳати  татбиқи  Стратегияи  ҳамкории  байналмилалии  ҷавонони  давлатҳои  аъзои  Иттиҳоди  Давлатҳои  Мустақил  баргузор мегардад.Стратегия  барои  давраи  то соли  2020  пешбинӣ  шуда  ва  санади  асосии  бахши  ҳамкории  ҷавонон  дар  фазои  ИДМ  мебошад. Дар  доираи он  фаъолияти  сохторҳои  давлатӣ оид ба  умури  ҷавонон, созмонҳои  ҷамъиятии  ҷавонони  кишварҳои  аъзои  ИДМ вусъат  ёфта,  амалияи  рӯи  кор  овардани  чорабиниҳо  бо  иштироки  ҷавонони  мамлакатҳои  Иттиҳод  густариш  ва такмил  меёбад. Стратегияро  сарони  давлатҳо  дар  охири  соли  2010 тасдиқ намуда буданд. Ба  Шӯрои  кор бо  ҷавонон  супориш  дода шуда буд, ки  якҷоя  бо  мақомоти  дигари  ҳамкории  соҳавии  ИДМ  дар  бахши  гуманитарӣ  лоиҳаи  Нақшаи  чорабиниҳоро  бобати  татбиқи  он  тартиб  дода ва  ҷиҳати баррасӣ  ба  Шӯрои  сарони  ҳукуматҳои  ИДМ  пешниҳод  намояд.Аз  ҳашт  Шӯрои  соҳавӣ  пешниҳодҳо  ба  Нақша расидаанд. Ҳамчунин Озарбойҷон, Арманистон,  Беларус,  Қазоқистон, Қирғизистон, Молдова,  Русия ва  Тоҷикистон пешниҳодҳояшонро  ирсол  доштаанд.

Октябрь 13, 2011 11:56

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд