Таҷдиди «Шифо» ба итмом расид

Октябрь 6, 2011 17:26

Душанбе, 6 октябр. (АМИТ «Ховар», Кристина Эрлих). – Тармиму таҷдиди пурраи қисми дуюми Беморхонаи клиникии ҷумҳуриявии бемориҳои сил- «Шифо» ба итмом расид. Ин кор дар доираи лоиҳаи «Тармим ва  ҷиҳозонидани беморхонаи бемориҳои сили «Шифо» иҷро  шуд, ки онро Бонки рушд ва таҷдиди Олмон маблағгузорӣ намудааст.Дар ин бора ба хабарнигори АМИТ «Ховар» сардухтури беморхонаи   «Шифо» Саидаҳтам Рустамов хабар дод.Тибқи суханони ӯ, имрӯз 15 мутахассис аз Бонки рушд ва таҷдиди Олмон аз ин муоинахона дидан карда, бо ҷараёни иҷрои корҳо ошно мешаванд. Ғайр аз ин рӯзҳои наздик ба беморхона таҷҳизоти нави махсус  оварда мешавад. Айни ҳол дар беморхона 32 нафар духтурон, 87 нафар ҳамшираҳои шафқат ва 72 нафар ҳамшираи тиббӣ фаъолият доранд. Дар муассисаи тиббии мазкур 5 шӯъбаи нав илова шудааст. Мавриди тазаккур аст, ки қисми аввали беморхона соли 2010 бо сифати хуб ва ҷавобгӯй ба талаботи ҷаҳон тармим шуда буд. Акнун ҳар ду шӯъбаи беморхона метавонад 420 беморро қабул намояд. Айни замон дар беморхона 220 нафар бемор бистарӣ мебошад. Аз ҷониби Лоиҳаи «Хоуп» ва Бунёди глобалӣ беморон бо ғизои  гарм ва доруҳои  зидди сил таъмин мешаванд.  «Айни замон беморхонаи касалиҳои сил бо беҳтарин таҷҳизот ва дорувори зарурӣ муҷаҳҳаз ва таъмин шудааст. Ин ҳама барои  гирифторони бемории сил пешбинӣ шуда, онҳо метавонанд дар ин ҷо аз ташхиси аввал то шифоёбӣ табобат гиранд», иброз намуд Саидаҳтам Рустамов.

Октябрь 6, 2011 17:26

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд