Тайёрӣ ба бозиҳои навбатӣ

Душанбе,  4-октябр.( АМИТ «Ховар», Аловиддин Бӯриев).- Дастаи мунтахаби Тоҷикистон оид ба футбол тайёрии худро ба бозии интихобии Ҷоми ҷаҳон бо Ҷопон, ки рӯзи 11-октябр дар варзишгоҳи «Нагай»-и Осака барпо мегардад, дар шаҳри Қайроққум идома медиҳад. Иҷрокунандаи вазифаи сармураббии дастаи миллии кишварамон Олимчон Рафиқов ин навбат бозингарон Юсуф Рабиев, Нӯъмон Ҳакимов, Одил Эргашев, Фарҳод Тоҳиров, Сафаралӣ Каримов ва Алишер Додовро ба маъракаи тайёрӣ даъват накард. Ҳамлагари дастаи ССКА «Помир» Комил Саидов ва дарвозабони «Энергетик» Миралӣ Муродов ин навбат ба ҳайати даста шомил шуданд. Ёдрас мешавем, ки дар гурӯҳи «С» баъди 2 бозӣ дастаи Ӯзбекистон ва Ҷопон бо 4 имтиёзӣ пешсафанд.