Такмили ихтисос тавассути Барномаи махсус

Душанбе, 18 октябр.(АМИТ «Ховар», Марзия Саидова).-Беш аз 33 ҳазор нафар шаҳрванди ҷумҳурӣ  аз тариқи Барномаи махсус курсҳои тайёрии касбӣ, такмили ихтисос ва бозомӯзиро хатм карда, соҳиби шаҳодатномаи касбӣ шуданд.Барномаи мазкур, ки аз ҷониби Вазорати меҳнат ва ҳифзи иҷтимоии аҳолии ҷумҳурӣ таҳия шудааст, тавассути муассисаҳои таълимии касбии мақомоти давлатии шуғли аҳолӣ ва дигар муассисаҳои таълимии касбӣ амалӣ гардонида мешавад.Хусусан, тавассути роҳхатҳои мақомоти давлатии шуғли аҳолӣ дар муассисаҳои таълими касбии системаи Агентии давлатии ҳифзи иҷтимоӣ, шуғли аҳолӣ ва муҳоҷират беш аз 9 ҳазор нафар,  бо роҳи худмаблағгузорӣ дар муассисаҳои таълими касбии система ва дигар муассисаҳои таълимӣ зиёда аз 15 ҳазор нафар ба омӯзиши касбӣ фаро гирифта ва малакаи касбии беш аз 7 ҳазор нафар шаҳрванд ва муҳоҷири меҳнатӣ бо шаҳодатнома тасдиқ карда шуд.Инчунин, беш аз 1200 нафар тавассути марказҳои таълимии намояндагии Кумитаи имдоди Имом Хумайнии Эрон дар Тоҷикистон ва 270 нафар дар ҳамкорӣ бо дигар созмонҳо ба омӯзиши касбӣ фаро гирифта шуданд.