Таъмири театр бо қувваи худӣ

Хоруғ, 31 октябр. (АМИТ «Ховар»,  Л.Додо). —  Бо  маблағгузории Ҳукумати Ҷумҳурӣ  солҳои  охир  дар  ВМКБ  бунёдкориҳои  зиёде  ба  назар   мерасанд. Баробари  ин  бо  имдоди  созмонҳои ҷаҳонӣ ва ба вижа  Бунёди  Оғохон низ  корҳои  зиёди  ободонӣ   рӯи  кор  омаданд. Мардуми  Бадахшон  аз  ҳамаи  ин  рӯҳу  нерӯи   тоза  гирифта,  тариқи  ҳашар  низ  ба бунёдкориҳо  даст  мезананд. Масъалан, дар  ин  рӯзҳо кормандони  Театри мардумии  ноҳияи  Ишкошим машғули  таъмири  бинои  театранд. Тавре   директори  театр  Гулдасташоҳ Амиргулхонов  иброз  дошт,  дар  ин   давраи   гузариш  мо  бояд  танҳо  ба  умеди  маблағгузории  давлату  созмонҳои  ҷаҳонӣ   нашуда, худамон   низ  қадре  ҷунбем,  яъне  он  кореро,  ки  худамон  аз  ӯҳдааш мебароем, иҷро  намоем.