Таркиш дар Туркия

Душанбе, 19  октябр. (АМИТ «Ховар»,  Фарангис  Раҳимова ). – Бар асари  таркиш  дар  музофоти  Битлиси қисми  ҷануби  шарқии  Туркия  камаш  8  кас,  аз  ҷумла  5  корманди  пулис ва  3  шаҳрванд  ҳалок  гардид. Дар  ин  бора  ширкати телевизиони  давлатии  Туркия  хабар  медиҳад. Мувофиқи  маълумоти  шабакаи  телевизионӣ,  бомба ҳангоми роҳро убур  намудани  мошини  идораи  пулис аз  масофаи  дур  тарконида шуд. Ҳанӯз  ягон гурӯҳи дар  Туркия  амалкунанда  масъулияти таркишро  ба  дӯши  худ  нагирифтааст. Ҳоло  маҳалли  воқеаро қувваҳои  амният иҳота  намуда,  барои  ҷустуҷӯи  террористон  амалиёти  фаврӣ  роҳандозӣ мешавад.