Турсунзода-арбоби давлатӣ ва шоири ватансаро
Душанбе, 14 октябр. (АМИТ «Ховар», Дилшодаи Хайруллоҳ).-Имрӯз дар театри давлатии опера ва балети ба номи С.Айнӣ бо иштироки Президенти мамлакат Эмомалӣ Раҳмон бахшида ба 100-солагии шоири бузурги тоҷик, Қаҳрамони Тоҷикистон- Мирзо Турсунзода маҷлиси тантанавӣ баргузор шуд. Президенти кишвар Эмомалӣ Раҳмон зимни суханронии худ иброз дошт, ки устод Мирзо Турсунзода ҳамчун арбоби барҷастаи сиёсиву фарҳангӣ ва шоири машҳури миллати тоҷик ба халқу Ватан хизматҳои арзанда карда, аз худ мероси адабии гаронарзиш боқӣ гузоштааст.Ҳамчунин зикр гардид, ки устод Мирзо Турсунзода дар радифи машҳуртарин нависандагон ва арбобони даврони худ бо талошҳои сулҳхоҳонааш на танҳо дар Тоҷикистон, балки дар минтақа ва ҷаҳон низ шӯҳрат ёфта буд.Сарвари давлат ба аҳли зиё пешниҳод намуд, ки кору пайкори ватандӯстонаи устод Турсунзодаро ҳамчун раҳнамо ва намунаи олии ибрат пазируфта, дар таҳкими ваҳдату ҳамбастагӣ ва рушди устувори Тоҷикистони соҳибистиқлол саҳми арзанда гузоранд.Дар хотима бо иштироки устодон ва ҳунармандони шинохтаи санъат аз эҷодиёти устод Мирзо Турсунзода барномаи ҷолиби ҳунарӣ манзури ҳозирин гардонида шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






