Вохӯрии Ҳ.Зарифӣ бо Ён Ҷон-ку

Душанбе, 6 октябр. (АМИТ «Ховар», Лутфия Эшонқулова). – Вазири корҳои хориҷии ҶТ Ҳамрохон Зарифӣ намояндаи нави ваколатдори муваққатӣ оид ба корҳои Сафорати Ҷумҳурии Куриё дар Ҷумҳурии Тоҷикистон  Ён Ҷон-куро ба ҳузур пазируфт. Тавре ки ба АМИТ «Ховар» аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ иттилоъ доданд, дар ҷараёни мулоқоти доиргардида масоили марбут ба вазъу дурнамои рушди муносибатҳои дуҷониба миёни Тоҷикистон ва Куриё муҳокима шуданд. Мусоҳибон имконияи беши ҳамкории мутақобилан муфиди миёни кишварҳои дӯст дар бахшҳои саноати сабук, гидроэнергетика, кишоварзӣ, технологияҳои иттилоотӣ ва ғайра баррасӣ намуданд. Ҳамчунин масоили ҳамкориҳои ду кишвар дар чаҳорчӯбаи созмонҳои байналмиллалӣ баррасӣ шуданд.