Забон-сарвати маънавии миллат

Душанбе, 5 октябр. (АМИТ «Ховар», Дилшодаи Хайрулло). – 4 октябри соли равон дар маҷлисгоҳи Агентии давлатии суғуртаи иҷтимоӣ ва нафақаи Вазорати меҳнат ва ҳифзи иҷтимоии аҳолии Ҷумҳурии Тоҷикистон бахшида ба Рӯзи забони давлатӣ бо иштироки шоирони ширинбаён Шаҳрия ва Назри Яздон маҳфили фарҳангӣ баргузор гардид. Дар маҳфил кормандон дар бораи зарурияти қабули Қонуни мазкур, таърихи дурударози таҳаввулоти забони тоҷикӣ, нақши тамаддунсоз ва мақоми давлатӣ гирифтани он суханронӣ намуданд.Шоирони ширинкалом Шаҳрия ва Назри Яздон зимни суханронии худ зикр карданд, ки гузаштагони мо ин сарвати маънавии миллат- забони тоҷикиро аз ҳама гуна офат эмин дошта, то ба имрӯз ба мо мерос гузоштаанд ва мо низ бояд кӯшиш ба харҷ диҳем, ки он ҳамеша покиза бимонад.