Журналистони тоҷик ба Амрико даъват шуданд

Душанбе, 3 октябр. (АМИТ «Ховар», Марҳабо  Зунунова). – 4  октябр  дар «Гӯшаи  Амрико» мизи  мудаввари  журналистони  рӯзномаю  маҷаллаҳои  ватанӣ  бо  муҳаррир  ва  асосгузори  маҷаллаи «Азиза» — и  чопи Амрико  Тайиба Тейлор  баргузор  гардид. Дар  ин  бора  ба АМИТ «Ховар»  дар  Сафорати Иёлоти  Муттаҳидаи  Амрико  дар  Ҷумҳурии  Тоҷикистон  хабар  доданд.Мувофиқи  суханони  манбаъ ин  маҷалла  нашрияи занони  мусулмони  ИМА  буда, соли 2009 дар  бахши  журналистикаи  миллии  этнии  ИМА  мукофот  гирифтааст. Худи  хонум  Тайиба  Тейлор  борҳо  дар  бахши  журналистика  сазовори  мукофотҳои  гуногун   гардида буд.  Тайиба  Тейлор  дар  конфронсҳои  байналмилалии донишгоҳҳои  кишварҳои мухталиф   дар  мавриди  занони  мусулмон  матлабҳои гуногунро ироа  намудааст.