Зимистон дар мекӯбад

Душанбе, 22  октябр. (АМИТ «Ховар»,  Зебо Давлатова ). — Имрӯзҳо  дар тамоми  ташкилоту  муассисаҳои ҷумҳурӣ  баҳри  зимистонгузаронӣ  омодагӣ  ҷараён дорад. Тавре  сардори  муассисаи  нигоҳдории  роҳҳои  автомобили  ноҳияи  Файзобод Назаралӣ Баҳодуров  ба  хабарнигори  АМИТ «Ховар»  иттилоъ дод, имсол  коллективи  муассисаи  мазкур   1410  тонна  қум,  5 тонна  ангишт,  1  тонна  сӯзишвории  дизелӣ, 10 метри  мураббаъ ҳезум, инчунин   барои  20  нафар   коргари  муассиса  либосҳои  кории гарми  зимистона захира намудаанд. Назаралӣ  Баҳодуров афзуд, ки  дар  роҳҳои  мушкилгузар  ба  миқдори  кофӣ  қуму  намак   захира  шуда,  9  адад  механизми  техникӣ  баҳри  зимистонгузаронӣ  омода  шудааст.