11 ноябр — Рӯзи байналмилалии сарфаи энергия

Душанбе, 10 ноябр. (АМИТ «Ховар», Людмила Дубинина). – 11 ноябр ҳамчун Рӯзи байналмилалии сарфаи энергия таҷлил мешавад. Соли 2008 иштирокдорони Лоиҳаи мактабӣ оид ба истифодаи захираҳо ва энергия дар мулоқоти ҳарсолаи худ дар ин бора тасмим гирифта буданд. То имрӯз қариб 20 кишвари ҷаҳон дар ин лоиҳа иштирок дошта ва он ба худ мақоми байналмилалиро касб намудааст. Имсол дар чаҳорчӯбаи Рӯзи байналмилалии сарфаи энергия тадбирҳои гуногун роҳандозӣ мешаванд, ки дар онҳо хонандагон, муаллимон, намояндагони созмонҳои ҳифзи табиат, кормандони муассисаҳои давлатӣ ва мутахассисони пажӯҳишгоҳҳои тадқиқотию илмӣ иштирок мекунанд.