Ғалабаи навбатии «Реал»

Душанбе, 8 ноябр. (АМИТ «Ховар», Аловиддин Бӯриев). –  Дар даври навбатии чемпионати Испания «Реал» — и Мадрид бо ҷамъи ситораҳояш дар ҳузури 80 ҳазор мухлис тими «Осасуна» -ро бо натиҷаи 7 бар 1 шикаст дод. Дар ин вохӯрӣ Криштиан Роналду дар дақиқаҳои  23, 54 ва 58 ба дарвозаи ҳариф се тӯб зада хетт-трик кард. Дастаи «Осасуна» аз ин пештар аз «Барселона» дар варзишгоҳи «НОУ Камп» бо натиҷаи 8 бар 0 мағлуб шуда буд. Дар ин давр «Барселона» бо душворӣ бозиашро дар сафар бо «Атлетик» мусовӣ: 2 бар 2 анҷом дод. Голи дуюмро дар ин вохӯрӣ дар дақиқаи охирини бозӣ Леонел Месси ба ҳадаф расонид