Ғамхорӣ ба пирону маъюбон

Турсунзода, 21 ноябр. (АМИТ «Ховар», Ҳотам Рабиев).-Мо тамоми чораҳоро андешидаем, ки 180 нафар бошандагони хонаи пиронсолон ва маъюбони деҳаи Батош дар фасли зимистон низ душворӣ накашанд,-иброз дошт ба хабарнигори АМИТ «Ховар» директори муассисаи мазкур Любов Шамсиддинова.Аз ҷумлаи 180 нафар бошандагон хона-интернат 72 нафарашон барҷомонда мебошанд. Ҳарчанд ки онҳо бо ғамхории ҳаматарафаи давлату ҳукумат фарогиранд, боз ташкилоту корхонаҳо ва шахсони алоҳида дар рӯзҳои иду ҷашнҳои бузург ба онҳо дасти ёрӣ дароз мекунанд.Ба наздикӣ дар саҳни ҳавлии хона-интернат ба муносибати 100 -солагии шоири бузург устод Мирзо Турсунзода нимпайкараи шоир гузошта шуд.