Ғолиби лигаи чепионҳои Осиё маълум шуд.

Душанбе, 10 ноябр. (АМИТ «Ховар», Аловиддин Бӯриев). –  Дирӯз дар варзишгоҳи Jeonju World Cup Stadium дар ҳузури беш аз 41 000 мухлис вохӯрии ниҳоии Ҷоми қаҳрамонҳои Осиё бо ширкати дастаҳои  «Ҷеонбук Ҳундай Моторс» ва «Ал-Садд»-и Қатар баргузор шуд. Вохӯрӣ хеле пуршиддат гузашт .Қисми аввал бо натиҷаи мусовии 1 бар 1 ва қисми дуввум 2 бар 2 ба анҷом расид .Вақти иловагӣ дар ҳисоби бозӣ тағйироте ворид накард. Дар задани силсилаи зарбаҳои 11- метраи баъди бозӣ футболбозони «Ал-Садд» маҳорати баланд нишон дода, бо натиҷаи 4 бар 2 ғалаба карданд ва соҳиби ҷом шуданд. Дар таърихи футболи Осиё ва Қатар аз дастаҳои ин кишвар бори аввал «Ал-Садд» соҳиби Ҷоми чемпионҳо гардидааст.