«Қадамҳои нахуст дар бахши тиҷорат»

Душанбе, 30 ноябр. (АМИТ «Ховар», Кристина Эрлих). – Моҳи октябри соли равон дар ноҳияи Хуросони вилояти Хатлон татбиқи лоиҳаи «Қадамҳои нахуст дар бахши тиҷорат» оғоз ёфта буд. Ин лоиҳаро Ташкилоти ҷамъиятии «Маърифат» бо мадади молиявии Сафорати ИМА дар Тоҷикистон дар амал татбиқ менамояд.Мақсади асосии лоиҳа ба ташкили тиҷорати шахсӣ ҷалб намудани занони деҳот мебошад. Дар чаҳорчӯбаи лоиҳа аз 15 то 23 ноябр ду семинар аз рӯи барномаи Ташкилоти байналмилалии меҳнат баргузор гардид, ки дар онҳо 40 нафар занони ноҳияи Хуросон иштирок доштанд.Қобили зикр аст, ки ташкилоти ҷамъиятии «Маърифат» барои сармояи аввалия ба даст овардани занон ҷиҳати рушди фаъолияташон ҳамаҷониба кӯмак мекунад.