Қариб 4 тонна маводи нашъаовар мусодира шудааст

Душанбе, 10 ноябр. (АМИТ «Ховар», Лутфия Эшонқулова). – Мақомоти ҳифзи ҳуқуқ ва сохторҳои қудратии ҷумҳурӣ тайи даҳ моҳи соли равон беш аз 3 тоннаю 926 киллограму маводи нашъаоварро мусодира намуданд, ки назар ба нишондоди ҳамин давраи соли 2010-ум 30,6 % зиёд аст. Дар ин давра кормандони Агентии назорати маводи нашъаовари назди Президенти ҶТ якҷоя бо мақомоти ҳифзи ҳуқуқ ва сохторҳои қудратии ИДМ (Ҷумҳурии Қирғизистон, Федератсия Русия) ва Ҷумҳурии Исломии Афғонистон 35 амалиёти муштаракро роҳандозӣ намуда, 514 киллограму 107 грамм маводи нашъаоварро аз гардиши ғайриқонунӣ боздошт намуданд.