Ҳамкориҳои дуҷонибаи Арабистони Саудӣ бо Тоҷикистон

Душанбе, 23 ноябр. (АМИТ «Ховар», Пайрав Назаров). — Сафири Фавқулодда ва Мухтори Ҷумҳурии Тоҷикистон дар кишвари Арабистони Саудӣ Абдулло Юлдошев бо Раиси Кумитаи саёҳат ва осори таърихии мамлакат волоҳазрат амир Султон ибни Салмон ибни Абдулазиз Оли Сауд мулоқот намуд.Тавре ки аз департаментии иттилооти Вазорати корҳои хориҷии ҷумҳурӣ иттилоъ доданд, дар вохӯрӣ масъалаҳои ҳамкориҳои дуҷониба дар соҳаи саёҳат, кофтуковҳои ҳафриётӣ, таъмиру нигоҳдории ёдгориҳои бостоншиносӣ ва мавзӯъҳои дигар мавриди табодули назар қарор гирифтанд.Амир аз ҷумла ишора кард, ки Кумитаи саёҳат ва осори таърихии мамлакат метавонад аз таҷрибаи экспедитсияҳои археологии Тоҷикистон баҳра бигирад. Ӯ афзуд, ки доир ба саёҳат ҷониби Тоҷикистон ҳеҷ гуна мушкилоти раводид барои шаҳрвандони саудӣ эҷод намекунад ва изҳори умед намуд, ки рағбати онҳо барои сафар ба Тоҷикистон афзоиш ёбад.