Ҳамкориҳои муфиди Тоҷикистон ва ЮНЕСКО

Душанбе, 1 ноябр. (АМИТ «Ховар», Пайрав Назаров). — Раиси Комиссияи миллии Тоҷикистон оид ба корҳои ЮНЕСКО Кароматулло Олимов ва Намояндаи доимии Тоҷикистон дар ЮНЕСКО, сафир Рустамҷон Солиев бо Мудири кулли Созмони Милали Муттаҳид оид ба масъалаҳои маориф, илм ва фарҳанг (ЮНЕСКО) Ирина Бокова дар шаҳри Париж мулоқот намуданд. Зимни вохӯрӣ вазъ ва дурнамои ҳамкориҳои дуҷониба муҳокима гардид. Мусоҳибон ба раванди равобити миёни Ҷумҳурии Тоҷикистон ва ЮНЕСКО баҳои мусбат доданд. Дар ҳошияи он ҷонибҳо ҳамчунин ҷараёни татбиқи лоиҳаҳои мушаххасро дар соҳаи илм, маориф ва фарҳанг баррасӣ карданд.Дар ин бора аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд.