Ҷараёни компютеркунонӣ дар кадом навоҳии Суғд дар сатҳи паст аст?

Душанбе, 21 ноябр. (АМИТ «Ховар», Бекназари Абӯбакр). — Дар ҷараёни татбиқи Барномаи давлатии компютеркунонии муассисаҳои таҳсилоти умумии Ҷумҳурии Тоҷикистон барои солҳои 2011-2015 мактабҳои вилояти Суғд бо 5 ҳазору 906 адад компютери ҳозиразамон ҷиҳозонида шуда, 924 синфхонаи компютерӣ ба шабакаи Интернет пайваст мешавад. Дар ин ҳолат ба ҳар 15 нафар хонандагони синфҳои 7-11 як адад компютер рост меояд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар ёздаҳ моҳи соли равон муассисаҳои таълимӣ бо 1 ҳазору 163 адад компютер таъмин шуданд, ки 155,9 фоизи нақшаи солонаро ташкил медиҳад.Ҷараёни татбиқи компютеркунонии муассисаҳои таҳсилоти умумии вилоят мувофиқи нақша ба роҳ монда шуда, он дар шаҳру ноҳияҳои Панҷакент 22, 5 фоиз, Ғончӣ 45, 5 фоиз, Ҷ.Расулов 67,5 фоиз иҷро шудаасту халос.