Ҷашни Шоҳин дар Кӯлоб
Душанбе, 19 ноябр. (АМИТ «Ховар», Фарҳод Мадаминов). — Имрӯз дар театри мусиқию мазҳакавии ба номи Сайидалӣ Вализодаи шаҳри Кӯлоб бахшида ба 150-солагии шоири мумтоз Шамсиддини Шоҳин конфронси илмию фарҳангӣ гузаронида мешавад. Дар конфронс устодони макотиби олӣ иштирок ва роҷеъ ба фаъолияти эҷодии шоир маърӯзаи илмӣ мекунанд. Дар чорабинии фарҳангӣ намояндагони масъули шаҳр ва меҳмонон иштирок меварзанд.