Ҷинояти ноболиғон меафзояд

Суғд, 18 ноябр. (АМИТ «Ховар», М. Амонов).- 15 ноябри соли равон дар толори мақомоти иҷроияи ҳокимияти давлатии ноҳияи Бобоҷон Ғафуров бо иштироки намояндагони шӯъбаи маорифу тандурустӣ, ходимони дину масҷидҳо ва дигар сохторхои иҷтимоӣ ва сардори раёсати корхои дохилии вилоят генерал Шариф Назаров вохӯрӣ доир шуд. Дар ҷамъомад зикр гашт, ки афзудани ҷинояткории ноболиғон ҳамагонро ба ташвиш овардааст ва моро зарур аст, ки баҳри бартараф намудани ин раванди номатлуб тадбирҳои судманд андешем.- Дар соли 2011 аз ҷониби шӯъбаи корхои дохилии вилоят 9509 ҷиноят ё 94,6% ҷинояткорӣ ошкор гардид. Миёни ин ҳодисаҳо шомилшавии наврасону ҷавонон ба ҳизбу ҳаракатҳои динию экстремистӣ, ворид намудани маводи мухаддир аз давлатҳои бурунмарзӣ ва дуздиву ғоратгарӣ хеле зиёд аст