67 млн. сомонӣ ба рушди иҷтимоию иқтисодии Шаҳринав

Душанбе, 30 ноябр. (АМИТ «Ховар», Бекназари Абӯбакр). — Барои татбиқи Барномаи рушди иҷтимоию иқтисодии ноҳияи Шаҳринав дар солҳои 2007-2015 аз сарчашмаҳои гуногуни маблағгузорӣ ҷудо намудани 67 миллиону 596 ҳазор сомонӣ пешбинӣ шуда буд. Раиси ноҳияи Шаҳринав Раҳматуллои Пӯлод 29 ноябри зимни ҳисобаш оид ба татбиқи ин барнома дар маҷлиси навбатии Ҳукумат зикр намуд, ки тайи 4 соли гузашта барои корҳои созандагию ободонӣ дар ноҳияи Шаҳринав 31 миллиону 205 ҳазор сомонӣ аз худ шуда, аз ҷумла 13 иншооти нав сохта ба истифода дода шудааст ва бунёди 12 иншооти дигар идома дорад.