Академияи кишоварзӣ самараи истиқлолият аст

Душанбе, 10 ноябр. (АМИТ «Ховар», Лаззат Диловарзод).-Академияи кишоварзӣ соли 1991 ташкил ёфт, ки он самараи истиқлолият аст. Мақсад аз таъсиси он баланд бардоштани самарабахшии тадқиқоти илмӣ, беҳтар намудани таъминоти илмии соҳаҳои муҷтамаи агросаноатӣ ва баланд бардоштани саҳми илми аграрӣ дар истеҳсолоти кишоварзӣ мебошад,- иброз дошт президенти Академияи илмҳои кишоварзии ҷумҳурӣ Ҳикматулло Аҳмадов ба мухбири АМИТ «Ховар». Натиҷаи корҳои таҳқиқотии олимон дар минтақаҳои гуногуни ҷумҳурӣ  ба таври васеъ татбиқ мегардад. Аз ҷумла навъҳои рӯёнидаи пахтаи маҳиннахи олимони тоҷик 100 ва миёнанах   70 фоизи майдони умумии кишти пахтаро дар бар мегирад.Ба гуфти академик Ҳ. Аҳмадов, соли ҷорӣ зироати лӯбиёӣ, ғалла ва равғандиҳанда, ки олимон дар давоми 20 соли истиқлолият офаридаанд, дар истеҳсолоти кишоварзӣ пурра истифода мешаванд. Олимон дар давоми 20 соли истиқлолият маҷмӯъан 110 навъи зироатро рӯёнида, ба истеҳсолот пешниҳод намудаанд.