Арзиши хизматрасонӣ боло рафтааст

Душанбе, 25 ноябр. (АМИТ «Ховар», Лаззат Диловарзод).-    Аз аввали соли 2011 нарху таррофаи хизмати пулакие, ки ба аҳолӣ расонида мешавад, умуман 9,9 фоиз боло рафта, аз ҷумла баровардани партовҳои маишӣ ба андозаи 30 фоиз, хизматрасонии арзиши нақлиёти роҳи оҳан – 25,1, хизматрасонии автомобилии мусофирбарӣ — 24,8, хизматрасонии обтаъминкунӣ 18,9, арзиши чиптаҳои ҳавопаймо -18,1, пардохти гази моеъ – 12,6 ва хизматрасонии муассисаҳои санаторӣ, истироҳатӣ ва беҳдоштӣ 12,4 фоиз қимат шудааст,- иброз доштанд дар Агентии омори назди Президенти ҷумҳурӣ ба мухбири АМИТ «Ховар».