Ба ифтихори Рӯзи Парчам

Хоруғ, 25 ноябр. (АМИТ «Ховар», Л.Додо ). – 23 ноябр дар беморхонаи вилоятӣ ба ифтихори Рӯзи Парчами давлатии Ҷумҳурии Тоҷикистон ҷамъомади тантанавӣ доир гардид. Узви Маҷлиси миллии Маҷлиси Олии Ҷумҳурии Тоҷикистон, сардухтури беморхона Шодӣ Гулаёзов зимни суханрониаш зикр дошт, ки парчами миллӣ яке аз рукнҳои асосии соҳибистиқлолии ҳар як давлат аст ва мардуми тоҷик аз он ифтихор дорад, ки баъди ҳазор соли суқути давлати Сомониён ба муқаддасоти давлату миллат, аз ҷумла ба парчами он бо садоқати бепоён арҷ мегузоранд.