Беҳтаринҳо дар варзиши сабук эълон шуданд.

Душанбе, 14 ноябр. (АМИТ «Ховар», Аловиддин Бӯриев). – Охири ҳафтаи гузашта Федератсияи байналмилалии варзиши сабук беҳтарин варзишгарони соли 2011-ро эълон кард. Ҳамин тавр, Усейн Болт аз кишвари Ямайка байни мардон ва Салли Пирсон аз Австралия байни занон беҳтарин варзишгарони соли 2011 дониста шуданд. Болт бори сеюм аст, ки соҳиби ҷоизаи федератсияи байналмилалии варзиши сабук мегардад. Пирсон бошад аввалин варзишгарест аз Австралия, ки ба мукофот сарфароз гаштааст.