Боздошти фаъолияти 281 муассиса дар Суғд
Душанбе, 17 ноябр. (АМИТ «Ховар», Бекназари Абӯбакр). — Дар вилояти Суғд санҷишҳои муштарак бо намояндагони прокуратураи шаҳру ноҳияҳои вилояти Суғд оид ба иҷрои Қонуни Ҷумҳурии Тоҷикистон «Дар бораи таъмини амнияти санитарию эпидемиологии аҳолӣ» нисбат ба истеҳсол ва фурӯши маҳсулоти хӯрокӣ ва саноатӣ гузаронида шуд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар натиҷаи санҷиш ба 1215 нафар соҳибкор протокол оид ба қонуншиканиҳои санитарию эпидемологӣ тартиб дода шуда, ба маблағи 91 055 сомонӣ ҷарима ситонида шуда, барои дағалона вайрон кардани қоидаҳои санитарӣ фаъолияти 281 муассиса боздошта шуд.Аз ҷумла, дар шаҳри Хуҷанд фаъолияти сехҳои ҳасиббарории соҳибкор И.Ниёзов, сехи истеҳсоли маҳсулоти ширии «Арал», коргоҳҳои ҳасиббарории «Файзи Расул», «Садри Аъзам», «Саид ва Кабир» низ барои риоя накардани талаботҳои санитарӣ-гигиенӣ боздошта шуданд.Нисбат ба соҳибкорон ва сехҳои номбурдашуда протоколҳои маъмурӣ тартиб дода, аз ҳар кадом 105 сомонӣ ҷарима ситонида шуд.Ҳамчунин аз коргоҳи ҶДММ «Дӯстӣ-Амирхон», ки ба истеҳсоли маҳсулоти қаннодӣ, нӯшобаҳо, хӯроки умумӣ машғуланд, барои мунтазам риоя накардани талаботи санитарию гигиенӣ ба маблағи 1750 сомонӣ ҷарима ситонида шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






