Бозиҳои плей-оф дар Аврупо

Душанбе, 15 ноябр. (АМИТ «Ховар», Аловиддин Бӯриев). – Имрӯз дар Аврупо охирин дастаҳои иштирокчӣ дар бозиҳои финалии ҷоми Аврупо маълум мешаванд. Дастаи мунтахаби Туркия бо сарварии Гус Ҳиддинг,ки ҳафтаи гузашта дар майдони худ аз Хорватия бо натиҷаи 0 бар 3 шикаст хӯрда буд, бозиашро дар меҳмонӣ анҷом медиҳад.Барои ба бозиҳои ниҳоӣ роҳ ёфтан футболбозони турк имконияти худро тақрибан аз даст додаанд. Тими мунтахаби Эстония ҳам бо Туркия ҳамтақдир аст. Дар вохӯрии аввал онҳо аз футболбозони Ирландия бо ҳисоби 0 бар 4 мағлуб шуданд. Чехҳо дар вохӯрӣ муқобили Черногория бо бартарии 2 бар 0 вориди майдон мешаванд. Футболбозони мунтахаби Босния дар дидор бо Португалия соҳиби бартарианд Дар вохӯрии аввал натиҷаи 0 бар 0 метавонад онҳоро рӯҳбаланд созад. Ҳамин тариқ, соати чаҳори субҳ ба вақти Душанбе ҳамаи дастаҳои финалист маълум хоҳанд шуд.