БРО пружаҳои иҷтимоиро пешниҳод мекунад

Душанбе, 11 ноябр. (АМИТ «Ховар», Покиза Маҳмадбекова). – 10 ноябри соли равон дар шаҳри Душанбе мулоқоти раиси раёсати БДА «Амонатбонк» Гулнора Ҳасанова бо намояндагони Бонки рушди Осиё баргузор гардид.    Тавре ки ба мухбири АМИТ «Ховар» аз Хадамоти матбуот ва рекламаи БДА   «Амонатбонк» иттилоъ доданд, дар мулоқот ҷонибҳо мусоидат ба рушди иҷтимоиёт ва пешниҳоди қарзу кӯмакҳои техникиро дар мавриди боло бурдани сатҳи зиндагии иҷтимоии аҳолии кишвар баррасӣ намуданд.Намояндагони БРО бо таваҷҷӯҳ ба шабакаи васеи муассисаҳо ва хизматрасонӣ дар самти иҷрои барномаҳои иҷтимоии Амонатбонк, дар мавриди хариди дастгоҳҳои офтобии барқистеҳсолкунанда ва обгармкунакҳои офтобӣ маблағҳои қарзӣ пешниҳод намуданд. Ҳамчунин зикр гардид, ки шароит ва иқлими Тоҷикистон барои  истифодаи ин гуна дастгоҳҳо мусоид буда, истеҳсоли онҳо  арзонтар мебошад.