Дар Берлин конфронс оид ба масъалаҳои об доир мегардад
Душанбе, 24 ноябр. (АМИТ «Ховар», Пайрав Назаров). — Вазири корҳои хориҷии ҶТ Ҳамрохон Зарифӣ Сафири Фавқулодда ва Мухтори Ҷумҳурии Федеративии Олмон дар ҶТ Дорис Хертрампфро ба ҳузур пазируфт.Аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, ки Сафири Олмон ба Вазири корҳои хориҷӣ ёддоштро ҷиҳати баргузории конфронс оид ба масъалаҳои об дар Берлин, ки моҳи марти соли 2012 ба нақша гирифта шудааст, супорид. Сафири Олмон иттилоъ дод, ки Вазири корҳои хориҷии кишвари ӯ ният дорад дар ҳошияи конфронси байналмилалии Афғонистон дар Бонн вохӯрии роҳбарони ҳайатҳои кишварҳои Осиёи Марказӣ ва Афғонистонро гузаронад. Сафир Д. Хертрампф ба ҷониби Тоҷикистон барои дастгирии интихоби номзадии кишвараш ба Комиссияи байналмилалии ҳуқуқ изҳори миннатдорӣ намуд.Дар масъалаи ҳамкорӣ дар робита ба озодшавии халабони эстонӣ, Д. Хертрампф мусоидати бевосита ва саҳми арзандаи Вазорати корҳои хориҷиро зикр кард.Мусоҳибон инчунин баргузоршавии конфронсро оид ба Афғонистон дар Бонн ва иштироки ҳайати Тоҷикистонро дар кори он муҳокима намуданд. Ҳ. Зарифӣ изҳори умедворӣ кард, ки кишварҳои Аврупо қарордодҳоеро, ки дар рафти конфронси Истанбул оид ба Афғонистон қабул шуда буданд, дар Бонн ҷонибдорӣ менамоянд.Вазири корҳои хориҷӣ ба Сафири Олмон аз ҷараёни ҳамкории Тоҷикистон бо Бонки Ҷаҳонӣ ҷиҳати татбиқи лоиҳаҳои бузурги гидроэнерегетикӣ маълумот пешниҳод кард. Ӯ бори дигар ба мавқеи Тоҷикистон дар татбиқи лоиҳаҳои энергетикӣ дар ҷумҳурӣ бо назардошти манфиатҳои ҳамаи кишварҳои минтақа таъкид намуд.Сафири Олмон дар навбати худ аз чунин ҳамкориҳои Тоҷикистон бо ин сохтори молиявии ҷаҳонӣ изҳори қаноатмандӣ кард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






