Дар Душанбе заминларза ба амал омад

Душанбе, 8 ноябр. (АМИТ «Ховар», Лутфия Эшонқулова). – 7 ноябри соли ҷорӣ соати 17 00 ба вақти маҳаллӣ сокинони ҷумҳурӣ такони зилзиларо эҳсос намуданд. Тавре ки аз маркази зилзиласанҷии Душанбе ба АМИТ «Ховар» хабар доданд, маркази зилзила дар 275 км ҷанубу шарқи шаҳри Душанбе дар қаламрави Афғонистон ҷойгир будааст.Тибқи  маълумот қувваи заминларза 5 балл буда, дар Душанбе 3-4 балл, дар Норак 3 балл ва дар Хоруғ 3-4 баллро ташкил дод.  Дар мавриди талафоти ҷонӣ ва хисорот маълумот нарасидааст.