Дастгирии Ҷопон аз сохтмони Маркази бонувон дар Кӯлоб
Душанбе, 23 ноябр. (АМИТ «Ховар», Дилшодаи Хайруллоҳ).- Ҳукумати Ҷопон дар чаҳорчӯбаи кӯмакҳои бебозгашти лоиҳаҳои амнияти башарӣ барои бахши аъзами аҳолӣ барои лоиҳаи сохтмони «Маркази бонувон дар шаҳри Кӯлоб» 111 ҳазору 974 доллари ИМА ҷудо менамояд.Дирӯз Ҳиройуки Имаҳашӣ, сафири Ҷопон дар Ҷумҳурии Тоҷикистон ва Қурбонгул Қосимова, роҳбари ташкилоти ҷамъиятии «Наҷоти кӯдакон»-и шаҳри Кӯлоб, созишномаи грантиро ба имзо расониданд. Таъмини амнияти иҷтимоӣ аз масъалаҳои асосӣ дар Тоҷикистон мебошад, зеро ба ҳифзи иҷтимоии занони ниёзманд, алалхусус онҳое ки ба зӯроварии хонаводагӣ дучоранд, равона шудааст. Ташкилоти ҷаъиятии «Наҷоти кӯдакон» вазифаи асосиро барои амалӣ намудани барномаҳои дастгирии занон тавассути беҳбуд бахшидан ба ҳифз ва касбомӯзии занон бо ҳамкории Бунёди мадади ҷомеаи кушода ва Созмони Амният ва Ҳамкорӣ дар Аврупо (САҲА) дар Тоҷикистон ба роҳ мондааст. Тавассути лоиҳаи мазкур барои муҳайё намудани муҳити лозимӣ, бинои дуқабата иборат аз дувоздаҳ ҳуҷра ҳамчун Маркази бонувон ва паноҳгоҳ барои ҷабрдидагон аз зӯроварии хонаводагӣ дар шаҳри Кӯлоб сохта мешавад, ки он имконияти ташкили фаъолияти маслиҳатҳои ҳуқуқӣ, рӯҳӣ ва тиббиро ба аҳолии ниёзманд пешниҳод менамояд. Зиёда аз 800 нафар занони шаҳри Кӯлоб ва ноҳияҳои гирду атрофи он аз ин лоиҳа бевосита манфиат мегиранд. Гузашта аз ин, дар ин Марказ дарсҳои омӯзиши таббохӣ, дарздӯзӣ ва компутерӣ гузаронида мешаванд. Дар назар аст, ки маълумоти одамон перомуни ҳуқуқ ва ваколати бонувон беҳтар шуда, сатҳи зиндагии занон ва оилаҳо дар минтақаҳои Кӯлоб беҳтар мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






