Даври 10-уми чемпионати Англия ҷамъбаст шуд.

Душанбе, 1 ноябр. (АМИТ «Ховар», Аловиддин Бӯриев). – Даври 10-уми чемпионати Англия бо вохӯрии дастаҳои «Тотенҳем» ва «ЧПР» ҷамъбаст шуд. Дастаи нави  лигаи асосӣ, ки дар вохӯриҳои пешин хуб ҳунарнамоӣ дошт, ин навбат муқобили «Тотенҳем»  рақобати баробар карда натавонист ва  дар қисми аввал баъди зарбаҳои Бейл ва Ван дер Варт тӯбро аз дохили дарвозааш гирифт. Дар қисми дуюм меҳмонон тавонистанд ҳисобро тағйир диҳанд, вале Бейл нуқтаи охиринро дар ин бозӣ гузошта, ҳисобро 3 бар 1 намуд. Агар ҳунарнамоии хуби дарвозабон Кенни , ки аз ҷониби Sky Sports баҳои баланд гирифт, намебуд, ҳисоб   зиёдтар мешуд.