Дурагакунии бузҳо дар Шӯрообод

Шӯрообод, 26 ноябр. (АМИТ «Ховар», С. Холов).-Дар Шӯрообод аз ҷуфткунии бузи кӯҳии пармашох ва бузи хонагӣ як насли нави буз пайдо шудааст. Исломшоҳ Шоев, мувини раиси ноҳияи Шӯрообод изҳор дошт, ки тайи панҷ соли охир олимон ва чорвопарварони маҳаллӣ ба дурагакунии бузҳои маҳаллӣ бо бузҳои пармашох машғул буданд. Ба гуфтаи ӯ, ин кор ба хотири наҷоти бузи пармашох, ки дар «Китоби сурх» ҳамчун нодиртарин бузи кӯҳӣ сабт шудааст, амалӣ карда шуд. Масъулин умед доранд, ки бо дурагакунии ин навъи буз ва гирифтани насли тоза бузи пармашох аз нобудшавӣ наҷот меёбад.