Гардиши савдои хориҷии ҶТ дар 10 моҳ

Душанбе, 11 ноябр.  ( АМИТ «Ховар», Лаззат Диловрзод).- То 1 октябри соли 2011 гардиши савдои хориҷии Ҷумҳурии Тоҷикистон ба шумули  қувваи барқ ва гази табиӣ 3 млрд. 278,3 млн. доллари ИМА – ро ташкил дод, ки нисбат ба ҳамин давраи соли 2010 24,3 фоиз ё 640,9 млн. доллар зиёд аст.Ҷумҳурии Тоҷикистон бо 98 мамолики дунё, аз ҷумла бо 10 давлати  ИДМ ва 88 кишвари хориҷии дур муносибатҳои савдои хориҷӣ дорад,- иброз дошт директори Агентии омори назди Президенти ҶТ Бахтия Муҳаммадиева ба мухбири АМИТ «Ховар». Дар гардиши савдои хориҷии ҶТ ба ҳиссаи мамлакатҳои ИДМ 1 млрд.465 млн.доллар ва ба ҳиссаи мамлакатҳои хориҷи дур 1 млрд.813,8 млн. доллар рост меояд.