Хабарҳо аз хориҷи кишвар»

Душанбе, 29 ноябр. (АМИТ «Ховар»). – Бино ба хабари рӯзномаи «Ню –Йорк Таймс» — и чопи Амрико 22 ноябр духтари Иосиф Сталин Светлана Аллилуева (Лана Питерс) дар ИМА дар синни 85 – солагиаш вафот кард. Намояндаи ҳокимияти маҳаллии музофоти Лисконсини Амрико хабар дод, ки Светлана Питерс (Аллилуева) аз бемории саратони рӯда вафот кард.Светлана Аллилуева (Лана Питерс) 28 феврали соли 1926 ба дунё омада буд. Вай баъди таваллуд насаби падарашро ба худ гирифта, вале баъди вафоти Иосиф Сталин соли 1953 насаби модараш Аллилуеваро касб намуд. Ӯ соли 1970 баъди ба ИМА рафта ва дар ин кишвар шавҳар карданаш бо номи Лана Питерс зиндагӣ мекард.хххҲукуматдорони мулкҳои федералии Олмон ба сӯзонидани доруҳои вақти истифодаашон гузаштаи зидди «зукоми хук» шурӯъ намуданд. Соли 2009 онҳо 34 миллион бастаи ин доруҳоро харида, вале фақат 5 миллиону 3 ҳазор бастаи онро истифода намуда буданд. Доруи боқимонда баробари 239 миллион евро қариб 2 сол дар анборҳо нигаҳ дошта мешуд. хххПулиси Ҷопон дар дафтарҳои ширкати «Интертес» — и Ҷопон шахсони гумонбурдаро ба фурӯши ғайриқонунии 500 воҳиди таҷҳизот барои истеҳсоли нимноқилҳо дар Чин кофтуков гузаронид. Ба гумони идораи тафтишот, технологияҳои Ҷопонро дар Чин ба мақсадҳои ҳарбӣ истифода бурданианд.хххДар шаҳри Калинингради Федератсияи Русия кафшергареро дастгир намуданд, ки ба кӯшиши тарконидани масҷид гумон бурда мешавад. Ин марди 20 – сола иқрор шуд, ки бинбар ҳисси бадбинию душманиаш нисбат ба мазҳабҳои дигар зарфи дорои 50 литр пропан ва зарфи дорои 25 литр оксигенро таркониданӣ буд. Нисбат ба кафшерчӣ парвандаи ҷиноӣ кушода шудааст.