Хусусигардонии манзил идома дорад

Душанбе, 21 ноябр. (АМИТ «Ховар», Лаззат иловарзод).- Бино ба маълумоти Агентии омори назди Президенти ҶТ то 1 – уми октябри соли 2011 дар ҷумҳурӣ (аз аввали хусусигардонӣ) 263,7 ҳазор манзили истиқоматӣ (ҳуҷра) хусусӣ гардонида шудааст. Аз ҷумла192,3 ҳазор манзили истиқоматӣ фурӯхта, 4,1 ҳазор манзил ба аҳолӣ бо пардохти қисми пулаш ва 67,3 ҳазор манзил ба аҳолӣ бепул дода шудааст.Масоҳати умумии манзили хусусигардонидашуда 14,5 млн. метри мураббаъро ташкил медиҳад. Танҳо дар моҳҳои январ – сентябри соли 2011 дар ВМКБ 20 манзил (ҳуҷр), дар вилояти Суғд – 691, вилояти Хатлон- 428, шаҳри Душанбе – 558 ва ноҳияҳои тобеи ҷумҳурӣ (НТҶ) 278 манзили истиқоматӣ хусусӣ гардонида шудааст.