Иқдоми хайрия дар арафаи идҳо

Душанбе, 3 ноябр. (АМИТ «Ховар», Покиза Маҳмадбекова). — Кӯмаку дастгирӣ ва хайру хатнасурҳо дар арафаи идҳои давлатию мазҳабии кишвар аз ҷониби ашхоси саховатпеша ва корхонаву ташкилотҳо ба ҳукми анъана даромадааст. Маҳз ҳамин иқдом дар боло рафтани сатҳи иҷтимоии табақаҳои ба кӯмак ниёзманди  ҷомеа такони ҷиддӣ гардид.Ба мухбири АМИТ «Ховар» аз Хадамоти матбуот ва рекламаи БДА ҶТ «Амонатбонк» иттилоъ доданд,  ки онҳо ба тарбиягирандагони мактаб- интернати №1 ноҳияи Рӯдакӣ дар арафаи таҷлили Рӯзи Сарқонуни ҶТ ва  Иди Қурбон дар ҳаҷми 5 ҳазору 722 сомонӣ маводи хӯрокӣ расониданд.Ҳамзамон  дар ин рӯз ба як идда хонандагон дафтарчаҳои амонатӣ дода шуда, ба суратҳисоби онҳо  аз 500 то 1000 сомонӣ гузаронида шуд. Ба сурати умум ба миқдори 30 ҳазору 500 сомонӣ кӯмакпӯлӣ ба дафатарчаҳои хонандагони мактаби мазкур пардохт карда шуд, ки он то ба балоғат расидани онҳо маҳфуз мемонад. Қайд кардан зарур аст, ки маблағҳо дар суратҳисобҳои пасандозии кӯдаконаи Амонатбонк бо 21 фоизи солона нигоҳ дош та шуда, ин фоизҳо ба маблағи асосӣ зам мешаванд. Бисёриҳо ба он ақидаанд, кииқдоми мазкур саривақтӣ ва муҳим буда, дар рӯзҳои ба ҳаёти мустақилона қадам мондани кӯдакон амали савоб хоҳад буд.