Интиқоли оби нӯшокӣ қатъ мегардад

Душанбе, 1 ноябр.(АМИТ «Ховар», Марзия Саидова).-Аз соати 22.00 –и  1 ноябр то соати 24.00 -и 2 ноябр интиқоли оби нӯшокӣ аз истгоҳи обрасонии  фишорӣ ба маҳаллаҳои  Шараф, Ал-Берунӣ, беморхонаи клиникии ҷумҳуриявии№3,  Боғи ҳайвоноти шаҳри Душанбе, Варзишгоҳи марказии ноҳияи Сино, инчунин, кӯчаҳои Рӯдакӣ (аз кӯчаи Бухоро то кӯчаи С. Ғанӣ), М. Турсунзода, Шевченко, Шероз,  Рӯдакӣ,   Шотемур,  Ф. Ниёзӣ,  И.Сомонӣ,  А. Командир,  М. Холов,  Л. Шералӣ,  Ғ. Абдулло,  Л. Толстой,  Парвин,  Пушкин ва Теҳрони ноҳияи Исмоили Сомонӣ қатъ карда мешавад.Аз Корхонаи воҳиди давлатии «Обу корези Душанбе» ба АМИТ «Ховар» иттилоъ доданд, ки ин тадбир бо мақсади омода намудани истгоҳи фишорӣ ба мавсими тирамоҳу зимистони солҳои 2011-2012  бар асоси қарори Раиси шаҳри Душанбе андешида шудааст.Аз тамоми сокинони маҳаллаю кӯчаҳои мазкур  хоҳиш карда мешавад, ки оби нӯшокиро барои як шабонарӯз захира намоянд.