Истеҳсоли семент 23 ҳазор тонна афзуд

Душанбе, 4 ноябр. (АМИТ «Ховар», Лутифя Эшонкулова).-Дар даҳ моҳи соли ҷорӣ 6 корхонаи сементистеҳсолкунандаи ҷумҳурӣ ба миқдори 264, 4 ҳазор тонна семент истеҳсол карданд, ки баробари 109, 8%  буда, назар ба ҳамин давраи соли гузашта 23, 8 ҳазор тонна зиёд мебошад.Аз ин миқдор 231 ҳазор тонна ба ҶСК «Тоҷиксемент»-и шаҳри Душанбе, 19, 7 ҳазор тонна ба ҶСП «Заводи сементи Самадов»-и шаҳри Исфара рост меояд. Хамаи корхонаҳои тавлидкунандаи семент ҳаҷми истеҳсоли масолеҳро назар ба 10 моҳи соли 2010-ум (аз 107 % то 2,2 баробар) зиёд кардаанд.Соли 2012 ду корхонаи нави сементбарорӣ – ҶММ «Тоҷикистон» дар ноҳияи Варзоб ва ҶММ «Суғд семент» дар ноҳияи Масчоҳ ба фаъолият оғоз  мекунанд, ки ин боиси боз ҳам зиёд гардидани миқдори семент ва бештар таъмин гардидани ҷумҳурӣ бо масолеҳи хушсифати ватанӣ мегардад.Дар ин бора ба АМИТ «Ховар» аз котиботи Вазорати энергетика ва саноати Ҷумҳурии Тоҷикистон хабар доданд.