Кӯмак ба мактаби Лоҷирк

Душанбе, 24 ноябр. (АМИТ «Ховар», Пайрав Назаров).- Ба мактаби Лоҷирк, воқеъ дар ноҳияи Тавилдара аз ҷониби Сафорати Иёлоти Муттаҳида ва мудири «Барномаи мактабҳои шарик барои Рӯҳи Амрико» кӯмаки иловагӣ супорида шуд. Мактаби мазкур чанде пеш аз тарафи Сафорати ИМА таъмир шуда буд.Тавре ки аз сафорати ИМА хабар доданд, дар мактаб батареяи офтобӣ насб шуда, ба 150 нафар хонандагон либоси зимистона дода шуд. Ҳамчунин нуқтаи тиббии мактаб бо лавозимоти зарурии тиббӣ таъмин гардид.Манбаъ илова намуд, ки байни талабагони мактаби Пасификаи Санта Моника, Калифорния ва талабагони мактаби Лоҷирк сӯҳбати он-лайн баргузор шуд.