Корхонаи коркарди сангҳои ороишӣ дар Ғончӣ

Душанбе, 9 ноябр. (АМИТ «Ховар», Қристина Эрлих).- Дар Тоҷикистон боз як корхонаи коркарди сангҳои ороишӣ ба истифода дода хоҳад шуд. Чунонки аз котиботи Вазорати энергетика ва саноати Тоҷикистон хабар доданд, дар айни замон сохтмони чунин корхона аз тарафи ҶДММ «Ҷ. Собир» дар бинои истеҳсолии «Сехозтехника»-и ноҳияи Ғончӣ давом дорад. Ин ҷо феълан 8 нафар коргар ба корҳои сохтмони ҳавзҳо ва бетонпӯшкунии ҷойҳои насби таҷҳизот   машғуланд.Ба гуфти манбаъ, шумораи коргарон дар марҳилаи аввал 55 нафар ва пас аз вуруди таҷҳизотҳои коркарди сангҳои  ороишӣ ба 80 нафар расонида мешавад.