Лоиҳаҳои такмили ихтисос

Душанбе, 17 ноябр. (АМИТ «Ховар», Лутфия Эшонқулова). – 16 ноябр мулоқоти директори Агентии назорати маводи нашъаовари назди Президенти ҶТ Рустам Назаров бо Сафири Фавқулодда ва Мухтори Ҷумҳурии Мардумии Чин дар ҶТ Фан Сянжун баргузор гардид. Рустам Назаров аз вазъи маводи нашъаовар дар минтақа ва Тоҷикистон, перомуни тадбирҳои ҳукумати ҷумҳурӣ ҷиҳати назорати маводи нашъаовар, фаъолияти Агентӣ ва мақомоти дигари ҳифзи ҳуқуқи ҶТ дар амри мубориза бо гардиши ғайриқонунии маводи нашъаовар нақл кард.Мувофиқи хабари маркази матбуоти Агентӣ, дар ҷараёни мулоқот роҳбари ин ташкилот ба сафир барои дар шаҳри Урумчии вилояти мухтори Синҷону Уйғури Ҷумҳурии Мардумии Чин таҳсил намудани 15 нафар кормандони Агентии назорати маводи нашъаовар изҳори сипос намуд.