Муҳокимаи таҳлили пойгоҳи қонунгузорӣ ва аҳдномаҳои байналмилалӣ

Душанбе, 23 ноябр. (АМИТ «Ховар», Пайрав Назаров). — 22 ноябри соли 2011 Вазири корҳои хориҷии Ҷумҳурии Тоҷикистон Ҳамрохон Зарифӣ бо мушовири Бонки ҷаҳонӣ оид ба масъалаҳои муҳоҷират Томас Ачакосо, ки дар ҶТ барои аъзои ҳукумат семинари амалӣ дар мавриди муҳоҷират ва рушд созмон додааст, мулоқот намуд. Чунон ки аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд, дар ҷараёни мулоқот ҷонибҳо оид ба масъалаҳои ҳолати муҳоҷирати меҳнатии беруна, вазифаҳо ва роҳҳои ҳалли чолишҳои нав дар ин самт, мушкилоти сохторҳои марбута, ҳамоҳангсозии фаъолияти вазорату идораҳои асосӣ доир ба ҳалли мушкилоти муҳоҷират, инчунин таҳлили пойгоҳи қонунгузорӣ ва аҳдномаҳои байналмилалӣ табодули назар намуданд.