Мулоқоти Қ. Қосимов бо М.Синасёр

Душанбе, 11 ноябр. (АМИТ «Ховар», Дилшодаи Хайруллоҳ).-Вазири кишоварзии ҷумҳурӣ Қосим Косимов бо ҳамоҳангсози нави Созмони озуқа ва кишоварзии СММ (ФАО) дар Осиёи Марказӣ Мустафо Синасёр мулоқот намуд.
 
Тавре ки аз маркази матбуот ва иттилооти Вазорати кишоварзии ҷумҳурӣ ба АМИТ «Ховар» хабар доданд, зимни вохӯри Мустафо Синасёр изҳор намуд, ки минбаъд ҳамкориҳо миёни ин муассисаи СММ ва Вазорати кишоварзии ҶТ рушд ва тавсеа меёбанд. Шаҳодати ин гуфта ифтитоҳи намояндагии доимии СОК (ФАО) дар Тоҷикистон мебошад. Масъалаҳои баланд бардоштани сатҳи касбии кадрҳои кишоварзӣ, афзоиши  тамоюлҳо дар  ҳифзи ҳамҷояи боғҳо аз маризӣ ва ҳашароти зараррасон, омодасозии кадрҳои беҳдоштӣ ва маводи таълимии байторӣ бо мақсади беҳтар намудани хизматрасонӣ, дастгирӣ дар коркард ва ҷорисозии технологияи ҳифзи захираи маҳсулот низ  мавриди баррасии ҷонибҳо қарор гирифтанд.